"Lament for Culloden"

by Robert Burns
(1759-1796)

The lovely lass o' Inverness,
Nae joy nor pleasure can she see;
For e'en and morn she cries, "Alas!"
And ay the saut tear blins her ee:
Drumossie moor - Drumossie day -
A waefu' day it was to me!
For there I lost my father dear,
My father dear, and brethren three.

Their winding-sheet the bluidy clay,
Their graves are growing green to see:
And by them lies the dearest lad
That ever blest a woman's ee!
Now wae to thee, thou cruel lord,
A bluidy man I trow thou be;
For mony a heart thou hast made sair
That ne'er did wrang to thine or thee.

Click either 'Book of Writings' on this page to return to the 'Words of Burns' menu page.

"Lament for Culloden"

by Robert Burns(1759-1796)

by Robert Burns
(1759-1796)